Александар Миливојевиќ
Сомелиер
Grand Cru — Wine Saloon
Александар Миливојевиќ е сомелиер со меѓународно образование и богато професионално искуство во винската индустрија, стекнато во Македонија и во странство.
Своето стручно образование го надградувал преку реномираните меѓународни институции Wine & Spirit Education Trust (WSET) и The Court of Master Sommeliers, а поседува и WSET Level 3 Award in Wines, една од меѓународно признатите квалификации за напредно познавање на вината.
Неговата професионална кариера вклучува ангажмани во реномирани ресторани во Дубаи, како и во ресторанот 360 во Дубровник, носител на една Мишелин ѕвезда, каде што бил дел од сомелиерскиот тим.
Во Македонија соработувал со винаријата Chateau Kamnik, а денес е дел од тимот на Grand Cru – Wine Saloon, каде што активно придонесува кон развојот и промоцијата на винската култура.
Во изминатите години, преку бројни тематски дегустации и вински едукативни настани во Grand Cru, Александар ја доближува светската винска сцена до домашната публика. Претставувајќи вина од најразлични региони во светот, нивните автохтони сорти, тероари и вински стилови, тој им овозможува на љубителите на виното да откриваат нови вкусови, традиции и вински приказни.
Како редовен предавач на Vinodonia Masters, Александар има водено мастеркласови и ексклузивни дегустации посветени на значајни светски вински региони, споделувајќи го своето знаење, искуство и страст кон виното со македонската винска публика.
