Зачувајте го срцето, заштитете го умот

Д-р Емилија Лазарова Трајковска, доктор на медицински науки, е специјалист интернист, супспецијалист кардиолог и асистент на Медицинскиот факултет при Универзитетот „Св. Кирил и Методиј“, вработена во Националниот центар за кардиоваскуларни заболувања во Скопје.

Зад себе има повеќедецениско клиничко и научно-истражувачко искуство, преточено во бројни научни трудови и предавања по покана на реномирани домашни и меѓународни конгреси.

Покрај медицината, со задоволство подготвува и води едукативни предавања за пошироката публика, поврзувајќи ги љубовта кон винската култура, медитеранскиот начин на живот и научните факти за улогата на виното во превенција на кардиоваскуларните болести.

Д-р Весна Јорданова е консултант-психијатар во британскиот Национален здравствен систем (NHS) и директорка на Spectrum Psychiatry. Има повеќе од две децении клиничко и академско искуство во Обединетото Кралство. Специјализацијата и постдипломските студии ги завршила на King’s College London, а во текот на кариерата имала академски позиции на King’s College London, Imperial College London и Универзитетот во Лестер. Авторка е на бројни научни трудови објавени во меѓународни списанија.

Како посветена едукаторка, таа учествува во додипломската и постдипломската медицинска настава, како и во националните програми за обука на Кралскиот колеџ на психијатри. Во клиничката работа применува терапија заснована на ментализација (MBT), комбинирајќи научен пристап со холистичка поддршка за пациентите и нивните семејства. Преку воспоставување специјализирани клиники и раководење со мултидисциплинарни тимови низ Обединетото Кралство, придонесува за подобрување на дијагностичките патишта и за надминување на бариерите во пристапот до услуги за ментално здравје.